張敬軒工人「遮遮」煲粥煲到「爆煲」兼屍骨無存:港九新界第一人

撰文:
最後更新日期:

歌手張敬軒(軒仔)家中的工人姐姐(遮遮)過去自製多款「災難級早餐」,被軒仔擺上網爆紅後頓時升級為「早餐KOL」,清一色麵包配粥水更成經典。今日(22/2)軒仔竟爆遮遮烏龍事,原來遮遮煲粥煲到連個煲都壞埋,認真誇張。

張敬軒今日爆遮遮煲粥煲到「爆煲」。

軒仔今日於Instagram曬出與遮遮的對話截圖,遮遮告訴張敬軒電飯煲已「Explode(爆炸)」,並只拍下電線插頭,似乎其他「屍骸」已消失無蹤。軒仔見狀大惑不解地表示:「我真係諗都冇諗過,最先頂唔住嘅竟然唔係我,而係屋企個電飯煲......煲粥煲到個煲都爆埋,我諗佢係港九新界第一人。」

遮遮仍執意要買回一個有煲粥功能的電飯煲,令軒仔大感無奈。(IG@hinscheung)

他又公開悼念電飯煲,「Dearest煲,你辛苦了,我都唔差,下次希望你可以做個燜燒煲、真空煲、沙煲... 總之乜煲都好喇!最緊要記住唔好返嚟我哋屋企!」張敬軒更笑言遮遮仍執意想買個有煲粥功能的電飯煲,他無奈表示:「方丈Yak粥Yak到想還俗。」

點擊看軒仔遮遮「爆煲」爆笑帖文:

點擊下圖看過往遮遮為軒仔準備的「精美」早餐:

+46
+46
+46


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。