開心速遞｜隱形富貴王婆原來曾係教務主任　年過80任多劇特約演員

昨晚播出一集嘅《愛回家之開心速遞》，講述王婆因在後巷生活，搞到大量雜物堆積，引起火警，身為業主立案法團嘅熊樹根（劉丹）本身想勤走對方，但得悉王婆原來無家可歸後，竟決定為佢提供三餐以及日用物資。唯後來發現王婆原來係隱形富婆，手上有5層樓放租。

王婆真身係年過80歲嘅特約演員李仲美，之前都曾經出現過喺《愛回家》，《陀槍師姐》亦有跟蹤影。李仲美喺退休前，曾在香港培道小學擔任教師兼教務主任，退休後除做特約演員之外，仲不時周圍飛，身體十分健康，之前客串劇集時，有一場上樓梯的戲份，劇組安排好女替身為她做，沒想到她健步如飛，連替身都不用上場。