徐菁遙過年食太多年糕 靠極端斷食法極速減磅:試過7日唔食嘢

撰文:劉傳謙
出版:更新:

徐菁遙(Suki,原名徐淑敏)今日(26/2)穿上緊身裙現身九龍灣拍攝有線OTT節目《講媽Beli Bala》,她透露農曆新年期間不停吃年糕和蘿蔔糕,自聖誕節起發福近3公斤,最近透過斷食減磅。除了日常執行的「168」斷食法外,Suki更嘗試過更極端的節食方法:「我試過有一、兩日淨係食菜、飲蔬菜汁同水,不過好極端嘅,唔係個個人都做到。我都試過連續7日唔食嘢,淨係飲湯同水。(有冇唔舒服?)我做晒功課先做呢樣嘢,所以明顯地精神咗,皮膚靚咗,瘦返晒。不過面部(肌肉)會有啲跳動,嗰時好驚,之後中醫話斷食嗰陣飲得太多寒涼嘢,唔記得邊度虛,針灸完之後就冇嘢,所以要做嘅話都要有專業嘅人監察。」

沈卓盈懷胎7月照着高踭鞋開工 親身體會媽媽偉大:感覺好實在!

徐菁遙和沈卓盈現身九龍灣拍攝節目。(劉智源攝)

現年36歲的Suki皮膚依舊白滑,看不出她是三名母親的媽媽。被問到保養凍齡美肌的秘訣,她卻指自己沒有故意護膚:「其實我唔搽防曬,唔敷面膜,所以我都唔知有咩秘訣。我會定期做下facial,只係幾個月先做一次,做醫學美容,激光療程嗰啲。(戴口罩都冇影響?)因為我係家庭主婦,經常要留喺屋企照顧小朋友,唔會成日出街,所以都唔會成日戴口罩,就算戴都唔會化粉底,因為都冇乜大分別。」

談到同場的沈卓盈(Jess)懷胎7月,Suki沒有傳授太多媽媽經,只叫對方要放鬆心情:「我知道有好多人會同佢講,我唔想加重佢嘅壓力。我淨係叫佢放鬆心情,雖然平時佢好開朗,但係生完之後可能會因為荷爾蒙影響,會容易因為一啲小事而唔開心,變咗產後抑鬱。(你試過?)生完大女之後試過一段短時間,無端端會沖沖下涼喊。」她又指自己正轉研自製滴雞精,幫助Jess調理身體。

Suki想煲滴雞精畀Jess補身。(劉智源攝)