佘詩曼、黎姿難得合體齊凍齡 勾起劇迷《金枝慾孽》回憶
撰文:鄺鈺瑩
出版:更新:
佘詩曼有份演出嘅內地劇集《燕雲台》去年播出時,昔日好拍檔黎姿亦有出PO幫手宣傳,當時,佢仲笑言「終於只有金枝没有欲(慾)孽了…期待冬日第一杯奶茶」而阿佘當時亦回應「改天跟你們一起約飯,來嘗嘗我新學的奶茶~」。
而喺今日,佘詩曼同黎姿就各自喺IG上載合照,只見兩人美麗如昔。佘詩曼以英文表示:「有些朋友不會常見面,但重聚時感覺就像昨天一樣。」並標籤了「還記得金枝慾孽的玉瑩小主和爾淳小主嗎?」,而黎姿亦回覆「妳永遠是我的好夥伴,懷念爾淳、芷若、春分…… 珍惜妳這個好朋友!」
黎姿同佘詩曼當年先後在《倚天屠龍記》、《金枝慾孽》、《火舞黃沙》合作,曾經有傳二人因爭獎而不和,但隨著黎姿結婚兼息影、佘詩曼轉戰內地,兩位女神難得合體,網民亦紛紛留言︰「凍齡女神」、「參見兩位小主」、「宮鬥劇鼻祖」等,真係回憶返晒嚟!
同場加映:梁靖琪38歲生日「七魔女」齊慶祝 佘詩曼素顏仍如20代少女極搶鏡
+31