朱茵絕密私生活曝光 老公黃貫中大爆女神真實一面慘被罰頂痰罐

撰文:張嘉敏
出版:更新:

女神朱茵與老公黃貫中(Paul)相戀13年,二人在2012年結束愛情長跑結婚,並於同年誕下女兒黃鶯,一家三口非常幸福。朱茵與Paul多年來都十分恩愛,早前兩人就激罕拍片放上抖音公開向老公表白放閃,朱茵情深一句:「你知唔知我真係好鍾意你?」即冧暈Paul,網民紛紛留言表示:「給閃盲了。」

朱茵早前公開表白老公。(抖音截圖)

日前他們又趁元宵佳節玩了一個名為「愛情五秒定律」的挑戰,又拍片放了上抖音同大家分享,公開他們的愛情甜蜜事件,Paul更大爆女神真實的一面。當問到朱茵為Paul做過最浪漫的三件事,她說:「煮飯、揸車送佢返工、幫佢開門。」Paul即表示:「係咪覺得我好可憐呢?」朱茵自己亦忍不住爆笑。而Paul被問到老婆令他發脾氣的三個原因,他說:「天氣凍又唔着衫、肚餓又唔食嘢、啲嘢又亂啦、又唔願起身、又遲到......咦,原來可以講到咁多。」流利得有如機關槍式一輪嘴講,朱茵即扮出一副嬲樣問他:「你今晚係咪想頂痰罐呀?」Paul又笑指老婆身上3個最大的地方,就是「眼大、嘴大和志氣大」,朱茵對他的答案感到相當滿意。

一家三口好幸福。(微博圖片)

談到老公婚前婚後的不同之處,朱茵趁機投訴:「以前出街一定會拖實我,依家就會拖囡囡,仲有以前唔會窒我,結婚後就係咁窒。」而講到Paul具備好老公的三個條件,朱茵說:「大力、畀我差遣得,識得整嘢畀我食。」Paul即反問老婆:「你講緊我喎?唔係工人喎?」相當搞笑。最後朱茵於挑戰中落敗,並向Paul獻吻,相當之Sweet。兩人又坦言多年來一起有爭執,但他們都會主動向對方道歉,Paul更有一套「爭吵哲學」:「吵架輸咗,固然係輸,但係贏咗你都有排捱。既然輸贏都係處於輸家嘅狀態,奉勸各位男士最好就唔好同另一半嘈,係咪都認錯先。」

點擊圖輯睇朱茵與Paul玩呢個挑戰以及他們的其他靚相:

+49

點擊下圖睇朱茵重現顏值高峰的過程:

+7