譚詠麟high爆開池畔私人演唱會 黃宗澤高歌被評「唱功不行」
撰文：鄺鈺瑩
出版：更新：
譚詠麟喺私人會所，插住袋咁唱歌，好風騷。（影片截圖）
曾志偉強勢回歸無綫做高層，雖然滿肚密圈，大計多多，但正所謂吊頸都要抖下氣，早前先同完譚詠麟行山鍛鍊體魄，轉頭二人齊齊喺私人會所開小型演唱會，陳友、張智霖、黃宗澤等都有出席。
張智霖唱歌時，曾志偉看似十分享受。（影片截圖）
有網友喺小紅書上分享多條影片，喺派對上，譚詠麟十分風騷，除為友人大唱生日歌之外，又獻唱了《講不出再見》，而當張智霖情深獻唱張國榮嘅《今生今世》時，曾志偉更在旁打拍子，十分陶醉，不過當黃宗澤唱《風繼續吹》時，雖然有live band伴奏，而黃宗澤亦看似十分認真，但正如呢位網民所說「唱功不行」。
點擊睇私人演唱會
+1
雖然呢位網民未有透露派對地點，不過估計係私人會所，現場除能夠容納到Iive band之外，仲有室內泳池兼兩層高嘅落地玻璃，一行人嘆住酒聽譚校長唱歌，確係正。
同場加映：曾志偉促成與各大唱片公司破冰 形容似情侶嘈交：唔只係一拍即合
+9