天堂鳥Gordon體驗露營樂極生悲？ 成晚冇覺好瞓仲有財物損失
撰文：陳栢宇
出版：更新：
天堂鳥隊長葉灝基（Gordon）最近因為睇完電視播露營節目，又見到好多朋友露營，所以聽到朋友再搞Camping，便即時舉手話想參與，他分享這次經歷時便表現興奮：「地點係喺西灣村紮營，所以我哋要喺西灣亭開始行一個鐘入去，今次成個行程好興奮，因為我哋準備的食物又豪華又好味，有鮑魚、鵝肝、帶子、牛扒、青口等，長途跋涉入到咁偏僻嘅地方，成班人一齊煮呢啲美食，簡直係享受人生。」
+2
問到野外瞓覺慣唔慣？Gordon笑指因為沙灘紮營特別當風：「吹到完全瞓唔到，六點就起左身，因為個日陰陰天，日出又睇唔到，係有啲可惜。最大懵就係回程個時，行咗一個鐘去到西灣亭休息一陣，就轉的士返屋企，點知我返到屋企樓下先發現個背囊遺漏左係西灣個亭到，但個背囊裡面嘅嘢都唔係貴重嘢，所以唔返去拎，畀個藉口自己可以新一年送舊迎新啦。」