41歲蕭亞軒凌晨現身急症室 腦壓過高不適求醫
撰文:洪曉璇
出版:更新:
久未露面嘅Elva蕭亞軒,去年底發行籌備3年嘅新專輯《赤裸真相》後就甚少更新社交網站。有人於網上指,目睹Elva現身醫院急症室,令人相當擔憂。
其實Elva早已周身傷患,前年到美國拍MV時不慎跌傷頭縫針,當時左手亦受撞擊導致骨頭移位撕裂。去年十月Elva曾上載一條神情恍惚嘅素顏求救片,當時佢話係男友誤傳上網。對上一次Elva更新微博已經係新年前2月4日話自己染髮。有網友表示上月17日即年初六凌晨,見到Elva喺台北一間醫院急症室出現。Elva其後回覆傳媒,表示自己太忙瞓太少日夜顛倒,導致腦壓過高唔舒服,休息後現已無大礙。
+20