莊韻澄曬超聲波照足月巨B隨時生得 身體有變:尿頻鼻塞開始嚴重

撰文:洪曉璇
出版:更新:
莊韻澄去年與圈外男友結婚,正式成為呂太。(IG:@xeniachong)

去年11月嫁給圈外男友嘅莊韻澄(Xenia),無幾耐就宣布懷孕,一索得男乳名波子,預產期係4月份。已經足月嘅Xenia仍未停工,不過除咗工作同產檢都甚少出門。呢日佢喺IG STORY分享波子超聲波相片,連重要部位都一清二楚。

莊韻澄暫時手腳仍算纖幼,無咩妊娠紋只有中間一條淺色子母線,上圍仲好似再升級。(IG:@xeniachong)

Xenia透露波子已經有7磅幾重,出世分分鐘係巨B﹗Xenia暫時手腳仍算纖幼,無咩妊娠紋,只有中間一條淺色子母線,上圍仲好似再升級﹗佢之前曾呻:「現在除了全日尿頻情況,晚上鼻塞情況都開始嚴重,身體狀況改變及情緒壓力都因為生產日子越近而增加。」不過見到BB健康成長咩都值得啦。

+6