76歲雪妮兩耳佩戴助聽器 丈夫日日陪實:背住同我講完全聽唔到

撰文:洪曉璇
出版:更新:
雪妮姐去年11月出席《踩過界II》宣傳活動後正式退休。(梁碧玲攝)

76歲雪妮去年初與TVB完約後未有再續,11月出席《踩過界II》宣傳時喺台上宣布正式退休。佢同老公唐佳出名係恩愛夫妻,以前已經成日陪老婆開工,雪妮姐退休後更加係形影不離,原來因為雪妮姐聽力有問題怕佢出意外。呢日雪妮接受鄭丹瑞訪問,笑言老公會喺旁邊話:「唔好意思我老婆佢聾㗎 !」

雪妮同老公唐佳早已是圈中公認的恩愛夫妻。(網上圖片)

正式退休後,雪妮姐話生活比較悠閒無咁緊張,提到自己雙耳聽力弱,原來係遺傳問題:「未入公司之前已經有問題,大約廿幾年前,198幾年,有次聽電話左耳聽唔清楚,搞搞下就完全聽唔到,完全無跡象無暈無其他問題。之後睇醫生就發現我係屬於遺傳性中耳耳骨硬化。」

76歲雪妮多年前聽電話無聲,發現患聽力遺傳病。(影片截圖)
+2

聽力有問題無阻雪妮姐拍下一套又一套好作品,佢話依家自己兩邊耳仔都有戴助聽器:「因為我唔係完全失聰,戴咗耳機正面同我講嘢係OK,但如果背住同我講就完全聽唔到,所以先生日日都會陪住我。我做過手術一邊成功一邊唔得,但成功嗰邊十幾年後都唔OK,所以依家2邊都戴助聽器。」

+10