解構心機女︱ 記招後突然延播 馮盈盈江嘉敏主持太有火花所致？
撰文：洪曉璇
出版：更新：
《解構心機女》五女一男主持組合，最觸目始終係傳不和嘅馮盈盈江嘉敏。（資料圖片）
Tvb近來節目表大亂，不停更改節目播出編排，先有《大步走》宣傳2日忽然轉播《陀鎗師姐2021》，《大步走》播咗一星期《愛美麗狂想曲》宣傳片又疑似硬搶晚上9點半時段，又抽起《諸朋好友2》改播《你估我唔到》，睇到頭都暈，最新就有馮盈盈江嘉敏傳反目後首次合作嘅《解構心機女》要延期播出。
《解構心機女》記者會佈景板上，寫住22號晚首播。（資料圖片）
去年富貴船P一事令馮盈盈江嘉敏姐妹情不再，咁啱TVB向日本買入日本節目《心機女》再自家製《解構心機女》，搵嚟呢對新聞人物擔任主持。3月11日記者會上火花四濺，二人一同接受訪問但貌合神離。當時活動佈景板上清楚寫上3月22日起逢星期一至五晚10點05分播出，但到22號晚仍播緊《Tiger Talk》，《解構心機女》近日宣傳亦改為29日晚先播出，但暫未知原因。就延播一事問過主持之一戴祖儀，佢笑稱：「其實監製有同我講過，我好努力咁諗過，但真係諗唔起點解！」
《解構心機女》宣傳圖改為3月29日起播出。（網上圖片）
點擊下圖看二人記者會當日鬥性感的打扮！
+19