吳業坤結束5個月日本工作假期:如果無去嘅話呢世都唔會再有機會

撰文:洪曉璇
出版:更新:
吳業坤趁30歲前,申請Working Holiday簽証,去年11月去到日本體驗生活。(IG:@kwangorrrrrr)

吳業坤趁30歲前,申請Working Holiday簽証,去年11月去到日本體驗生活,雖然曾自嘲為「待業坤」「只有hoilday無working」,但臨離開日本前決定熱血一次,挑戰「東海道53次」。完成壯舉後終於返到香港:「唔敢講人生有無精彩到,但可以肯定嘅係人生有豐富到。」

吳業坤徒步由京都到東京全長492公里,完成「東海道53次」。(IG:@kwangorrrrrr)

徒步由京都到東京全長492公里,吳業坤完成「東海道53次」後,終於結束5個多月日本Working Holiday之旅,返回香港正在酒店接受隔離。坤哥話:『你去Working Holiday 唔做嘢咪好廢囉?』反而我覺得呢個似係人生最後一個『暑假』。上年咁啱見自己29歲所以申請,亦都唔知幾時用得着,用得着嗰時都係諗住去得兩個月不如Hea下算,點知覺得自己Hea得濟就行咗轉東京,無計劃太多亦都無諗咁多。工作假期點解唔可以選擇重點放喺『假期』呢?『咁走咗去咪有好大段空白期囉?』可能係嘅。但係如果無去到嘅話呢世都唔會再有機會,我唔敢講人生有無精彩到,但可以肯定嘅係人生有豐富到,同有曬黑到。隔離埋就錄音了﹗」佢仲為自己定下21日隔離排毒計劃,為重返工作崗位做準備。

吳業坤已回到香港正在酒店隔離。(IG:@kwangorrrrrr)

重溫坤哥嘅旅途花絮:

+22