愛回家|Icy忽然離港半年疑調離劇組 岑杏賢親自回應懷孕傳聞

撰文:洪曉璇
出版:更新:
《愛回家之開心速遞》每晚陪住大家,劇中演員都相當入屋。(《愛回家之開心速遞》劇照)

無綫(TVB)處境喜劇《愛.回家之開心速遞》已播出過千集,飾演主線角色例如熊家同威龍職員的藝員,真係日日見住似足家人一樣。有觀眾發現最近一星期未見飾演Icy嘅岑杏賢身影,劇中男友KC(歐瑞偉飾)更指佢要返美國半年!忽然離開劇組惹來懷孕傳聞。

岑杏賢喺《愛回家之開心速遞》中佔戲甚重。(影片截圖)

去年11月29日岑杏賢與圈外男友低調註冊結婚,其後一直繼續工作,為《愛.回家之開心速遞》開工。不過,有觀眾發現近日威龍集團劇情,都未見Icy蹤影。第1196集中Icy男友KC(歐瑞偉飾),更親口承認Icy要飛往美國照顧媽媽,半年後先會返回崗位。

《愛回家之開心速遞》劇情突然講到岑杏賢要離開一段時間。(影片截圖)

通常處境劇演員都會彈出彈入為其他工作開工,但暫未見岑杏賢有新工作,繼而傳出懷孕消息。Jennifer回應《香港01》訪問時指:「多謝問候,只係Icy暫時需要返美國探親,希望到時Icy可以再同大家見面。我一切都好,多謝你關心。」唔知係咪傳統上未夠三個月怕BB小氣,Jennifer未有正面回應懷孕消息。

+32