吳孟達停工數年堅持「三不做」 黃一山:佢唔想賺呢啲黑心錢

撰文:洪曉璇
出版:更新:
資深演員吳孟達早前因病離世,令人惋惜。(資料圖片 / 曾梓洋攝)

資深演員吳孟達早前因病離世,令人惋惜。其實2014年佢心臟已出現問題,停工好幾年,與佢私交甚督嘅黃一山,曾勸達哥接代言商演呢類簡單搵快錢工作,繼而發現達哥原來有「三不做」原則。

黃一山與吳孟達多次合作感情要好。(黃一山微博)

黃一山曾指達哥性格豪爽大方,永遠要爭住買單,即使同場有好多一線演員或有錢老闆依然如此,黃一山說:「佢話『冇所謂呢啲濕濕碎』,相對佢嘅片酬呢啲係好小嘅意思,錢係搵嚟使嘅。」達哥產量一直好高,最多試過一年17套電影作品,到2014年達哥心臟有事要停工數年休養。

黃一山透露吳孟達有三不做。(影片截圖)

黃一山曾勸達哥接代言商演呢類簡單搵快錢工作,佢話達哥透露自己有三不做:「我有三不做,我唔鍾意唱歌,唔少公司邀請我去唱,全部拒絕。第二,唔做任何房地產嘅廣告代言或剪綵,好多老百姓可能因為我嘅名氣而去買樓,但如果遇到不良發展商或樓盤爛尾,老百姓冇晒畢生積蓄,就會覺得好對唔住佢哋,我唔想賺呢啲黑心錢。第三,唔做藥業廣告,唔知藥廠係咪有良心,唔想病人因為我而唔睇醫生,延誤病情。」

點擊睇吳孟達點解設下三不做:

+18