後生仔傾吓偈｜馮盈盈自認無手尾 食完嘢等人執被串住民宿定旅館
撰文：鄺鈺瑩
出版：更新：
最新一集《#後生仔傾吓偈》以「無手尾日常」為題，並即埸進行票選，結果馮盈盈以5票勝出。連自己都投自己一票嘅馮盈盈直認自己確係好無手尾日，而經常坐佢車嘅陸浩明說：「佢架車後座長期擺滿貨，例如聖誕節有紮花，到清明都仲喺度，紙巾盒用完又唔丟，有三、四個，我懷疑佢間房好精彩。」
馮盈盈不時在家中窗台拍照，看似十分整潔，但佢話其實一地都係嘢，連愛犬都受到影響。(馮盈盈ig)
馮盈盈表示自己間房除咗亂，都係亂：「各大贊助送嘅禮物都會放喺地下,食完啲嘢又擺喺地下,啲水又係。(食完啲嘢擺地下?)等人嚟執囉。(嗰個你屋企,點解唔擺入廚房?你住民宿定旅館?有無按0字搵房務員嚟執?)」面對後生仔瘋狂圍攻，馮盈盈只有尷尬地笑，而佢更自己，因為無手尾而影響到愛犬：「我睡覺會戴耳塞，用完之後可能無手尾，亂放喺床上面或地上，然後有日我媽罵我『你可唔可以有手尾啲？用完啲耳塞擺返好，今日Hana（愛犬）啲屎入面有你耳塞』」今次就話好在係耳塞，如果係鑽石耳環或戒指點算？
舊屋都係一地贊助商送嘅禮物。（影片截圖）
點擊下圖睇馮盈盈如何抽水
+20