張致恆滿臉白鬚殘樣蒲頭 貼自拍照透露為工作無法正日同大仔慶生
撰文：洪曉璇
出版：更新：
Steven張致恆早前被指細屋搬大屋。（IG：@stevencheung）
近年新聞多多嘅張致恆，早前傳出欠債唔還，爭落一身街數更搬屋疑避債。潛水多時呢日佢再次更新IG並上載自拍照，為大仔天寶慶祝2歲生日，透露：「而家我嘅目標只係想盡快還晒啲錢。」
Steven張致恆大仔天寶已經２歲。（IG：@stevencheung）
見到Steven同大仔自拍照滿臉白鬚滄桑不少，完全唔似36歲，之前講過正努力工作賺錢還債，原來為此佢更錯過同囝囝正日慶生機會：「突然間好感觸，生日我唔喺佢身邊，當我離開屋企之後老婆同我講佢就唔開心咗好耐又唔肯食飯，個心真係好痛，但係冇辦法始終一個家庭要努力先至維繫到，一日一日咁大，佢一個字一個字咁講出嚟，嗰種感動係喺哩個世界搵唔到嘅，只有做父母先會感受得到，而家我嘅目標只係想盡快還晒啲錢，同埋俾一個健康又舒服嘅環境佢哋兩個成長，任何人攻擊我嘅說話，我都會當係對我最好嘅強心針！張天寶，爸爸永遠都會咁愛你。」
+15