鍾嘉欣37歲生日開live 笑指囝囝似陳浩南華DEE：改花名叫梁浩南
撰文：洪曉璇
出版：更新：
鍾嘉欣已經37歲啦。（IG：@chungkayanlinda）
當大家仲叫緊「嘉欣BB」，依舊少女感十足嘅鍾嘉欣，原來眨下眼已經37歲。4月9號生日嘅佢喺丈夫同一對仔女陪伴下溫馨度過，佢喺網上曬出仔女手工卡片，感謝家人嘅愛。
鍾嘉欣全家福。（IG：@chungkayanlinda）
4月9號晚嘉欣喺網上開直播，一對仔女都有「亂入」，嘉欣話做全職媽媽係佢最愛嘅終身職業。嘉欣指，仔女雖然喺加拿大成長，但都希望佢哋學好廣東話，努力搵TVB劇集畀佢哋睇：「好多劇集都有打打殺殺、鬧交等等，咁我又唔想，於是呢我搵咗《愛‧回家之開心速遞》，又唔錯喎！雖然都有少少鬧交，但始終都係宣揚愛。」另外有網友讚囝囝造型，嘉欣笑言：「人哋話佢係華DEE陳浩南混合體，我都覺得似嘅，所以我幫佢改咗個花名叫梁浩南。」
+65