黎諾懿曾打算做完《舞動奇蹟》劈炮退出:節目畀嚿錢都幾大

撰文:
最後更新日期:

黎諾懿同陳敏之作客最新一集《師父有請》。

黎諾懿及陳敏之接受邵氏兄弟節目《Master's Talk師父有請》訪問,大談「驛馬」主題,麥玲玲表示娛樂圈有不少藝人離開香港發展後才紅起來,包括劉愷威、陳偉霆、陳浩文、鄧紫棋等等,黎諾懿提到當年因湖南衛視的《舞動奇蹟》才接到《愛‧回家》一劇:「我都唔知自己原來有咁嘅才華,(即場表演?)你當我舞男呀?話跳就跳!不過如果講番7至8年前留喺當地發展,可能港普會好好多,識番個女仔發展一下...(點解返香港?)因為我太愛TVB喇,坦白講,都唔係一個咩秘密,其實《舞動》係一個劈炮宣言,娛樂圈浮浮沉沉咁耐,作為男人要為屋企負番責任,我本身係做銀行會計,諗住做完《舞動》呢個騷就算,因為節目畀嚿錢都幾大,完全無心插柳,我唔識跳舞,上去做乜鬼。點知湖南衛視大改革,其中兩位係我粉絲,叫我上去跳4集。」

黎諾懿原來當年諗住用《舞動奇蹟》作為劈炮宣言。

黎諾懿指自己拍《舞動奇蹟》時都離港8個月時間,當時在內地工作居住或飲食較差都可以接受,他說:「試過去北京機場附近一間賓館,零下四度,個浴室只得1分鐘有熱水,沖完涼成個人醒晒!」他憶起曾經在橫店試過請人代洗衣物,沒想到出車時見到酒店的姐姐在河邊洗衫,「條河好污糟,自此之後真係驚咗,以後自己洗,所以試過以前平平地,同演員夾份買洗衣機,自己駁喉,喺浴缸做排水位。」

自爆同過台灣女生發展戀情。

被問到有否試過發展異地戀?Bob即時追問諾懿有否追過金晨,諾懿說:「佢太細個,當時得18歲,你當我禽獸呀?我唔係呢啲咁嘅人!我試過台灣異地戀.....」陳敏之立即稱知道是誰,Bob即時追問,但敏之著諾懿親自回答,諾懿笑言:「林志玲呀嘛!所有嘢都好完美,但佢唔舒服都得個電話,我接受唔到,我唔係黐身,想拎樣嘢畀你都唔得!講個電話又要夾時間,長期要買機票,所以只係維持咗半年時間。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。