48歲海俊傑多咗個廿歲女？　直言事後唔捨得：另一種做爸爸嘅感覺

48歲海俊傑（海仔）有份演出的無綫（TVB）新劇《十月初五的月光》最近煞科，一眾台前幕後日前亦有大搞BBQ慶祝。海仔坦言感到不捨：「其實每次煞科都有唔捨得嘅感覺，話晒都一齊工作至少三、四個月，今次呢套劇畀我嘅感受更加大，因為我係做主角『祝君好』何依婷嘅爸爸，之前都有做過爸爸嘅角色，但係啲仔女都係幾歲嘅小朋友，第一次有個成廿歲嘅女，同佢有好深厚嘅父女情，令我有另一種做爸爸嘅感覺。其次就係同康華、姚嘉妮有好多感情戲，都係一個幾感情豐富嘅角色。」

另外，海仔還很有善心，閒時和一班朋友出心出力出錢為社會作貢獻，幫助一班低收入人士：「因為社會上仲有好多需要被關注嘅一群，希望有能力的人可以每人出少少力，每個人都出少少力凝聚起來就會大大力。」