專訪│64歲魯振順讚女友有媽媽的味道:佢嘅背影好似我阿媽

撰文:林通賢
出版:更新:
魯振順與女友Julie非常甜㝢,訪問期間二人十指緊扣未離開過對方。(葉志明攝)

64歲魯振順跟現任女友57歲Julie拍拖,是令人意想不到的愛情故事,二人41年前在華星歌唱比賽認識,當時只拍了一張合照,女方收藏至今。之後各有自己的生活,直到上年Julie看到一篇專訪後,她想再次了解這位當日身穿白衫白褲,那時21歲的魯振順。

Julie透過梁競徽的母親拿了魯振順的手機號碼,之後發了一個訊息給魯振順,表示自己是當年那位小師妹,他們就這樣開始了.....

經過三個月的聯絡後,自言慢熱的魯振順第一次見Julie,他說:「嗰日佢問食咗嘢未?我話未呀,跟住佢問我想食乜?我話餃子。」結果Julie親自煮餃子給魯振順,魯振順表示吃第一口已很感動,回想當日情景亦眼有淚光:「食完第一啖已經喊出嚟,因為係媽媽的味道,之後佢仲同我講,可能係阿媽派我嚟照顧你呢......」

魯振順跟女友雖然相逢恨晚,但二人正值熱戀期,要他們「鍚鍚」影相亦沒有難度。(葉志明攝)

魯振順在電視劇演過無數角色,現實生活,不論事業或愛情亦充滿起跌,尤其感情方面曾經歷巨變,令他對愛情完全失去信心,魯振順說:「我拍過好多場結婚戲,幾浪漫都試過,但我同自己講,呢啲係假㗎,冇可能出現,冇可能喺我身上發生。」他以為再沒有機會戀愛,直到Julie在上年8月的出現,令他好像經歷第二個人生,魯振順讚女友,令他想法不再負面,所有事情都以積極態度面對,女友Julie亦讚她是一個風趣暖男,她說:「因為我要喺內地工作,要喺隔離14日,佢(魯振順)每晚都會同我微訊,驚我悶,有時就係咁簡單,但已經好足夠。」

大約一小時的訪問,永遠拖實對手,未曾分開過,笑聲不斷,閃到暈。(葉志明攝)

一直很想擁有家庭的魯振順,年紀雖然踏入一生下半場,但他同女友都非常渴望組織自己的家庭,更想有小朋友,他說:「我同Julie重遇係天賜畀我哋,我覺得自己執到,下年我哋會結婚,小朋友就順其自然啦,有就有囉。」Julie對生小朋友亦非常積極,她說:「我自己而家都食緊中藥調理身體,我都希望啦,唔知啦,希望有自己嘅小朋友,就最好啦,如果真係唔得,要收養嘅話,真係好認真嘅課題,未認真去諗。」而魯振順亦表示自己亦中西合壁,調理身體到最佳狀態。

對比之前一個訪問,魯振順整個人氣牆不同了,笑得多,有愛情滋潤,人亦後生了。(葉志明攝)

魯振順與女友Julie相逢恨晚,Julie坦言希望追回41年的時光,但她明白,這是最好的時間遇到魯振順,她說:「如果41年前大家一齊,其實未必一定有好結果,因為當時可能年少氣盛,或者唔成熟,可能散咗你會仲唔開心。」魯振順跟女友打得火熱,但他亦覺得愛情來得很快,他說:「我又唔怕咁講,我亦都好驚,來得太快嘅嘢,會唔會走得太快呢? 但我會保持積極的想法,兩個人相處,最緊要的坦白,我哋性格好似,所以好夾得嚟。」

Julie知道男友魯振順愛她親手煮的美食,所以1不斷自學烹調技術,更會炮製愛心飯盒,等他開工拍劇時有得食住家飯。(葉志明攝)
你可能感興趣