逆天奇案｜劉佩玥嘲同張穎康拍親熱戲 感覺似父愛多過似夫妻
撰文：吳子生
出版：更新：
阿Moon大讚張穎康拍親熱戲時夠細心，急忙幫手遮住她手臂上的「拜拜肉」。（葉志明攝）
劉佩玥（Moon)同張穎康（阿康）今日（30/4）現身電視城出席無綫劇集《逆天奇案》宣傳造勢活動。提到二人在劇中飾演夫妻關係，難免有親熱鏡頭同床上戲。阿康笑言：「其實我每次同女仔拍完咀戲，夜晚我都會返屋企錫返老婆，可能其他人聽到會覺得好奇怪，點解我會咁做，係因為之前我發生過車禍，覺得生命無常，如果我萬一有咩事死咗，臨死前我錫過嘅人一定係我老婆。」
張穎康同劉佩玥在劇中飾演夫妻。（葉志明攝）
而阿Moon就話同阿康拍親熱戲份外安心：「佢每一日俾我嘅感覺，無論係親熱戲與否，佢好老豆咁樣，好有父愛嘅感覺，有種強烈嘅關懷。因為我嘅戲服不時比較性感，而且好貼身又好緊，就好似條短裙咁，著上身就好似木乃伊緊到露晒啲肉出嚟，就係呢個時候，阿康就好細心用手遮住我啲『拜拜肉』，佢真係唔話得。」
張穎康和劉佩玥出席劇集宣傳活動。（葉志明攝）