東張西望|直擊尖沙咀鹹豬手專向30歲女士埋手 竟係集團式經營

撰文:
最後更新日期:

呢位高高瘦瘦嘅男子,不時喺鐘樓附近出現,並專向30歲以上女士埋手,《東張》追訪當日,呢位男子連口罩都唔戴,就搵人selfie。(影片截圖)

有觀眾向《東張西望》報料表示由去年6月開始,喺尖沙咀鐘樓一帶出現一名年約20約嘅鹹豬手,據節目講呢位男子專揀30歲女士埋手,最先會扮成遊客要求對方幫自己拍照,之後會提出合照要求,而喺合照期間,先會將手放在對方肩膀上,並慢慢將鹹豬手下移至對方嘅胸部外側,就算對方即時喝止,呢位男子應已得手。《東張》攝製隊守候多日,拍下不少鹹豬手行兇片段,而主持人黃穎君喺質問鹹豬手「點解你周圍搵人影相?」、「有無覺得非禮女性?」等問題時,對方突然拔足狂奔,逃離鐘樓一帶,非常熟悉地形。

點擊睇鹹豬手行兇過程

+13
+13
+13

其後黃穎君再訪問附近攤販時,始發現鹹豬手原來係集團式經營!攤販稱:「佢哋好鍾意向日本同韓國人埋手,佢哋幾個人一群,有時見到佢哋好似賽後檢討,真係好噁心,講啲嘢好猥瑣。之前見過幾個,呢個都係比較小學雞手法,有時我哋檔主會同檔主聊天,都話佢哋係高手,好鄙視佢哋。曾經有目擊者嘗試報警,但警方表示由於唔係當事人,所以唔受理,或者亦都係因為呢個原來,令到鹹豬手先會如此放肆。」

附近嘅檔主表示鹹豬手原來唔止一位。(影片截圖)

再睇埋黃穎君追訪鹹豬手

+3
+3
+3

同場加映:波波黃凱儀唔怕定型性感花瓶 內衣騷隨時Encore:最緊要效果健康

+43
+43
+43


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。