姜濤紅到可以助抗疫? 何栢良陳志雲叫政府搵佢呼籲打疫苗
撰文:洪曉璇
出版:更新:
近日香港出現新冠肺炎變種病毒令人心惶惶,政府早前提出多項措施,要求全港近40萬外傭強制檢測,更擬要求外傭續約必須先打疫苗,惹起唔少爭議。港大感染及傳染病中心總監何栢良呢日接受電台訪問,建議政府可以考慮邀請人氣高嘅藝人歌手,例如姜濤等,喺IG等平台公開呼籲市民打疫苗。
剛踏入22歲嘅姜濤成為廣告商寵兒,早前取代周柏豪代言HPV,引來唔少人關注並於其廣告板前影相打卡,陳志雲於5月4日中午上載嘅片段中,亦提到上海虹口區邀請女子偶像團體SNH48擔任公益宣傳大使,到新冠疫苗接種現場為粉絲蓋章,建議政府可以搵MIRROR、ERROR幫手,一定可以推高疫苗接種率:「我地都有2大人氣組合MIRROR同埋ERROR,人氣王姜濤單拖都必定能夠達到推言接種率嘅效果,其他成員號召力都唔可以輕視,好似最近我訪問過嘅肥仔、阿JER,同最近勁多話題嘅193人氣同樣犀利,如果呢兩團遊走18區,為接種者影相,一定有極佳效果。」
點撃圖輯睇姜濤2021年接拍的廣告:
+57
點擊圖輯看「姜濤灣」打卡位:
+29