開心速遞｜陳偉琪闊別劇組9個月驚現外景現場　細龍太終於回歸？

因為《愛回家之開心速遞》中飾演細龍太而人氣急升嘅陳偉琪，去年8月因為涉醉駕，自8月初劇情交代佢飛到美國散心後，就再無喺劇中現身。呢日陳偉琪現身《愛回家之開心速遞》外景拍攝現場，唔通細龍太回歸？

已經足足9個月無喺《愛回家之開心速遞》見到細龍太出現，呢日戲中飾演佢老公細龍生嘅鄭世豪，上載幾張外景拍攝花絮，驚見陳偉琪出現，佢地仲連同戲中媽媽蘇恩磁一家三口合照﹗原來鄭世豪、蘇恩磁及樊亦敏在一家海味店拍攝外景期間，巧遇陳偉琪經過探班。鄭世豪留言話：「劇情巧遇三太，現場巧遇細龍太。」網友紛紛留言話好掛住細龍太，希望佢快啲歸隊。