被韓君婷指控扮好人拗撈　蔡國威：一笑置之！

蔡國威今日（20/5）現身電視城出席無綫劇集《一笑渡凡間》宣傳活動。提到早前被韓君婷逼遷指控，負面新聞不斷，好人形象毁滅。國威表示：「其實對於我嚟講，唔覺得係一個負面新聞，因為我要做嘅嘢已經做晒，咁而家嚟講好似套劇咁，《一笑渡凡間》，而我係一笑置之。我覺得人生有啲嘢要完結嘅嘢，就要完結，我人生都仲要向前行，咁所以我唔會再畀一啲唔應該糾纏嘅嘢，再被糾纏。（有冇講過叫女方搬走？）我係冇講過。其實過去咗嘅嘢，我唔想再回應。（20年情就咁緣盡，會否覺得可惜？）我覺得唔好再喺一啲唔值得嘅嘢上再糾纏，咁所以繼續去過我嘅人生。（話你扮好人，操控新聞用她聲名拗撈！）其實認識我又或者唔認識我嘅人，其實畀咗好評論出嚟，咁所以係呢件事上，我唔會再去回應。（女方精神狀態上有問題？）我唔回應啦！唔關我事呀！」