鍾嘉欣分享獨門凍齡秘訣：過程又可以排汗

自從開設了個人YouTube頻道之後，鍾嘉欣頻頻拍片與粉絲分享個人生活，繼早前化身廚師教煲湯和家常便飯之外，又重製了《做你的晨曦》的MV，大受網民歡迎。而最近嘉欣又分享了自己的凍齡心得，透露最重要保持「唔好覺得自己老」的心態之外，亦分享了自己一個養生小習慣：「我好鍾意薑，習慣浸薑水，我試咗幾年覺得幾好，可以幫助瞓得好啲，提升免疫力、促進血液循環，過程又可以排汗，對我幾work，身體強壯咗。」不過其實嘉欣不太注意個人「凍齡」與否，反而希望可以感受到自己的成長和老去：「如果『凍齡』嘅定義係去Freeze個歲數，我就真心唔想去凍齡，我覺得能夠可以一日一日、一年一年咁樣去成長係一種好大嘅福氣，同埋我係好期待我嘅成長過程，可能係外貌呀，身材呀，甚至係內心世界會有變化，又或者係外表上望落去係有一種老咗嘅感覺，我覺得依然可以好美麗。」

睇埋嘉欣嘅靚相：