岑麗香被網民批演技不及李佳芯：有人將你同其他人比較係好唔舒服
撰文：吳子生
出版：更新：
被網民批演技浮誇不及李佳芯，香香坦言心情受到影響。（梁碧玲攝）
岑麗香（香香）今日（22/6）現身電視城出席無綫劇集《寶寶大過天》宣傳造勢活動。提到在劇中演技被網民狠批表情浮誇「得個嘈字」，演技遠遠不及被視為《BB來了》延續篇女主李佳芯精湛。香香就此事接受《香港01》訪問時表示：「其實我都收到呢套劇嘅劇本嘅時候，我係未踏入人生呢個階段。而且呢個角色係講佢神經質，仲要遇到少少問題情緒就要爆發，咁所以好對唔住，因為劇本要我咁尖叫，我係冇辦法。」
香香今日出席劇集《寶寶大過天》宣傳活動。（梁碧玲攝）
被問有網民將你同李佳芯比較，有否不開心？香香直言：「咁當然有人將你同其他人比較係好唔舒服，但係我會同自己講兩個係好唔同嘅嘢嚟，因為角色劇本都唔同，唯有咁同自己講。而我都有睇過《BB來了》，亦都好欣賞李佳芯嘅演技。（老公有冇讚演得好？）老公冇睇我哋啲劇，因為佢聽唔明中文，加上佢唔想睇到我啲親熱戲，哈哈！」
+1