王菲首次拍劇勁緊張　感激袁偉豪教導：當初收到劇本好大壓力

王菲今天（8日）出席劇集《刑偵日記》的宣傳活動，這是王菲第一次拍攝劇集，對於第一次拍攝，阿菲非常感謝袁偉豪（Ben）的教導，她說：「Ben都係非常有經驗嘅前輩，當初收到劇本好大壓力，好多謝Ben去支持我，好感激佢幫助我。」

阿菲透露現時還未習慣面對鏡頭，因此在宣傳活動時候說話都有點口吃：「始終覺得自己仲未習慣望鏡頭，拍戲時候我講對白都會緊張，所以呢個要我慢慢去適應，可能我個人比較細膽。」

阿菲近來給人感覺消瘦不少，她表示不想瘦下去，只是「食極唔肥」，阿菲解釋主要原因是夜瞓，問到會否怕上圍縮水，她說：「從來都冇脹過，我又唔係追求豐滿，但我想大隻少少。」

談到近期火爆的男子組合MIRROR，阿菲當然有留意，若選擇一名最喜歡的，她選擇Anson Lo（盧瀚霆），「因為我知佢以前跳舞，佢未入MIRROR前我知佢係跳舞，我都有朋友跟佢，所以比較留意佢。（咁你要睇《大叔的愛》。）但我梗係支持《刑偵日記》啦。」