李佳芯自稱單身暫時唔諗結婚:拍劇成日着婚紗冇曬幻想
撰文:賴家杰
出版:更新:
李佳芯(Ali)今天(11日)出席洪永城Tony與梁諾妍的婚禮,Ail笑言只準備了人情,沒買什麼禮物,但最令她開心是剛到場知道Tony雙喜臨門:「我下次會準備好,等佢公布BB性別,我會買禮物。」
Ali近年來出席不少圈中好友婚禮,談到現時單身的她,Ali坦言並沒有結婚念頭:「咁多年,拍劇成日著婚紗冇曬呢啲幻想,但係我覺得好嘅,呢種幻想未必係婚禮同婚紗,而係個對象,有一日如果對象畀到好想結婚個種幻想同衝動係好事。其實結婚同拍拖係要衝動,但依家我冇呢種衝動。」
已經有一段時間沒公開露面的Ali透露最近都忙於籌備微電影,更透露監製、導演、演員、編劇也是她負責:「新挑戰,拍一個微電影,當然我有搵朋友,因為太大挑戰,希望做好眼前工作,因為之前同一個腦退化機構合作,呢個訊息幾有意義,因為第日開劇就唔會有時間做自己嘢。(幾時開劇?)我有收到9月年尾,但未知,我只見到入咗我名,(女主角?)應該係掛,我冇問呀,但唔緊要,開劇咪拍劇,冇劇咪做自己嘢。」
點擊下圖 睇梁諾妍佩戴的鑽飾,勁閃呀!
+11
金器行頭都係超勁!
+10
點擊睇梁諾妍IG相:
+25