愛妻主持奧運被指長他人志氣滅港隊威風 林奕匡護妻:佢冇錯

撰文:吳子生
出版:更新:
林奕匡認為太太主持評述無問題。(葉兆康攝)

林奕匡(Phil)今日(26/7)現身沙田出席《瞧潮香港60+》展覽開幕。講到愛妻李靄璣主持無綫東京奧運直播節目時,就港隊面對法國隊爭入四強時,竟然長法國志氣,滅港隊威風。有網民睇不過眼,在社交平台直斥她不夠專業。

Phil就此接受《香港01》訪問時表示:「其實我覺得佢講得幾好,佢係用佢嘅中立專業態度去評述。(太太本身對運動項目了解多少?)佢本身係一個好熱愛運動嘅人嚟,所以佢對好多運動項目都好熟悉嘅。(太太本身是否一位運動員?)佢本身唔係。只不過係熱愛運動啫。成件事我係好明白,大家係好想港隊勝出。但其實佢都係都好着緊呢場賽事。而當對方真係贏咗之後,佢只係講人哋邊一方面做得啱,而我哋應該向對方學習。咁所以我覺得大家係誤會咗佢。發生咗呢件事之後,佢係有少少唔開心嘅。(有冇嘢同網民講為太太平反?)其實我覺得唔需要平反。只要佢之後做得好就OK。(佢冇錯?)係呀,佢OK。