東京奧運丨李佳芯唔評論陳約臨被網友圍插：好難想像面對嘅壓力
撰文：賴家杰
出版：更新：
Ali認為觀眾會喜愛這部劇集。（葉志明攝）
李佳芯（Ali）主演的劇集劇集《智能愛人》將於8，月2日首播，不過由於現時TVB在黃金時段都播放東京奧運，因此《智能愛人》要順延到晚上10:15分播出，Ali回應：「我覺得佢可以擺係一個世界賽事再連住播，所以對我來講咁樣仲唔係重視？我覺得反而係好事，無諗到有咩唔好。」
Ali演出的劇集大多都會成觀眾喜愛追看，所以觀眾都稱有Ali就有收視，Ali笑言不敢當：「我唔敢講自己真係收視保證，真係唔敢講，我會覺得呢套劇係娛樂兼有啲訊息帶出，都適合合家歡，觀眾容易接受呢套劇，希望大家會鍾意。」
談到奧運，TVB派去奧運採訪的主持陳約臨因採訪張家朗奪金後心情被網友圍插，直指她喧賓奪主，浪費了一個很好的訪問機會，Ali對這件事情直言不評論：「我始終唔係出去跑，我之前做主持都只係坐喺枱，好難想像個班人面對嘅壓力，所以唔評論啦。（咁你自己點處理）我個陣做親Live都食螺絲，好緊張，搵返我以前做主片都真係食螺絲。」