姚焯菲拍廣告惹網民攻擊 :大家有言論自由但睇到唔會特別唔開心

撰文:劉傳謙
出版:更新:
15位《聲夢》學員出席品牌活動。(葉志明攝)

5位《聲夢傳奇》學員今日(30/7)現身尖沙咀出席《3香港傳媒簡佈會活動》,當中炎明熹(Gigi)、姚焯菲(Chantel)和鍾柔美(Yumi)接受《香港01》訪問時,談到8月中的《聲·夢飛行》演唱會門票火速售罄,Chantel感謝歌迷和公司支持:「我冇諗過公司會安排到我哋有演唱會,好感恩,同埋多謝粉絲咁支持我哋,真係冇諗過會咁爆,仲可以加開一場。」

Yumi指在暑假仍要兼顧工作和學業,但對能參與演唱會感到高興。(葉志明攝)

Gigi坦言有想過一切會隨著比賽過後而結束:「我哋大家都係諗,完咗比賽應該就真係完,估唔到會有一個咁好嘅機會畀我哋,多謝大家支持。」Yumi要同時準備擔任伍仲衡演唱會表演嘉賓,她指自己還要趁暑假追趕學業上的進度:「暑假我哋本身都放緊假,但係我哋要追返晒啲功課,同時間又可以出席呢個演唱會。我覺得係好開心,而唔係辛苦,我好期待見到觀眾,佢哋真係好支持我,由一開始比賽睇到依家,好似一個畢業禮咁。」

Chantel直言不會特別為負評感到不開心。(葉志明攝)

比賽過後,學員開始獲邀出席品牌活動及宣傳,但最近在網絡上卻收到網民留言及畀「嬲嬲」抨擊,不過三人坦言未有太留意網絡上對自己的意見,Yumi稱:「呢啲留言我都冇乜時間睇,依家公司畀咗好多活動我哋,可能唔係好夠時間睇,同埋都忙緊今次演唱會,所以網上面發生緊咩事,我哋都唔係太清楚。」Chantel直言:「大家都有言論自由,睇到都唔會特別失望或者唔開心,如果有特別嘢會交返畀公司決定。」Gigi則笑指自己有點健忘:「我比較少見到網民嘅留言,如果我真係見到一啲負面嘅消息,我應該好快就會唔記得咗。」

發表評論...