東京奧運︱霍啟剛勁撐港隊IG發千字文 望政府未來要力撐運動員

撰文:賴家杰
出版:更新:

2020東京奧運正式圓滿結束,名人霍啟剛當然對於4年一度全世界都會追看的盛事,突然今天(9日)打開電視沒有奧運比賽觀看,感到空虛,他在IG發布了一張看奧運的照片和一段千字文,他寫道:「今次港隊成績唔係『好彩』、唔係『偶然』,係真係運動員同背後團隊花咗好長時間嘅努力而得嚟,大家都見到李慧詩、何詩蓓佢哋比賽同其他選手只係差0.幾秒,運動員實力固然係致勝關鍵,但科研嘅幫助都日益重要。」

「近年體育學院喺運動科研方面做得好好,不同設施都進行咗翻新,加入咗好多科研設備去幫助運動員,又與不同院校合作以科研提升港隊實力,但因為資源有限,依家體院嘅服務只係畀到精英運動員使用,政府需要更加認真研究如何大力支持科研投入。」

霍啟剛望未來政府會大力支持運動員。(IG:fok_kenneth)

因此霍啟剛在這個帖子透露有不少商界朋友有找過他,望能以不同方式去支持體育界發展,「今次東京奧運係我21年來第一次無現場參加奧運,但今年留喺香港氣氛都非常好 而太太就轉換角色去咗東京,代表中國香港擔任國際游聯技術委員會委員,負責監督裁判同商討跳水項目未來發展嘅方向。培育體育人才不但係培育運動員,未來政府都要投放資源培育人才參與國際體育組織、亞洲體育組織嘅工作,擔任職務,亦要培育更多裁判,多渠道爭取體育發展話語權,呢個係對整體體育發展係非常重要,以依家單靠職務人員同裁判自己出錢出力去做,目前好難得到健康發展。」

點撃睇霍啟剛的豪宅以及與太太甜蜜照片:

+55