糖妹獲頒年度最傑出藝人獎：疫情下更加意義重大

近來要主持音樂節目又要拍劇嘅糖妹，榮獲香港最優秀企業大獎頒發的「年度最傑出藝人及娛樂品牌」獎項，糖妹雖然因忙於拍攝劇集《童時愛上你》而未能抽空出席頒獎禮，不過她亦有透過經理人公司發表感言:「今次攞到呢個傑出藝人獎就梗係好開心啦，因為喺宜家呢個疫情期間去攞呢個獎係更加意義重大。除咗多謝客戶支持外，我覺得就疫情好嚴峻，依然可以做好多嘢去繼續服務呢個社會。譬如早前同一班唐氏綜合症嘅小朋友一齊跳左隻學刷牙嘅歌，因為今次嘅合作令我發現有唐氏綜合症嘅小朋友原來好易有牙周病，就要用啲輕鬆嘅手法去教佢哋注重牙齒健康。」

糖妹認為並非一定為了名銜才去做，偶爾關心身邊的人和事亦有重要。其實糖妹自出道以來，曾經獲得多個音樂頒獎禮獎項。身兼多個慈善代表大使，熱心公益事業，在音樂中傳遞正面力量，近幾年糖妹雙棲發展參與多部電視劇、舞台劇及多個廣告品牌代言亦取得不錯的成績。上年適逢糖兄妹十周年，他們再度合體舉行分別以虛擬實境 XR / VR作主題的實體及線上音樂會。