苟芸慧屢傳婚變受傷後首接幕前工作 自爆想買香港樓：有機會長住
撰文：洪曉璇
出版：更新：
苟芸慧4月時曾經意外受傷撞到面部。（IG：@joyfulck）
今年4月苟芸慧由加拿大返港在酒店接受強制隔離時，發生意外撞傷額頭，日前終「復出」拍攝廣告，以兩個造型上陣的她狀態大勇，額上未有明顯傷痕，拍攝時還跟工作人員有講有笑，表現親民，無損女神級形象。講到廣告主題地產按揭，向來對投資甚有心得的苟芸慧，又可有投資物業的大計？她說：「喺加拿大都有投資，嚟緊都有機會喺香港長住，所以都打算喺香港買樓投資，不過要搜集多啲意見先。」
苟芸慧考慮在港置業。
問到苟芸慧的康復情況？她表示已好得七七八八，化妝後絕對可以掩蓋傷口疤痕，沒有影響上鏡的靚樣，但她透露近排頻頻發生意外，令她行事要份外小心，她謂：「呢排真係好精彩，先在隔離期間撞傷、隔離完又發生意外，就連今日拍廣告都有發生個小意外，就係拍攝時，塊道具鏡突然跌下來，好彩只係撞到我少少。」
點擊睇更多苟姑娘更多靚相！
+47