香港小姐2021丨丁子朗透視若隱若現三角褲：希望觀眾幫手截圖
撰文：張國基
出版：更新：
《2021香港小姐決賽》除了睇一眾佳麗，台上司儀表現往往亦是焦點成在，昨晚以新人主持身份拍住鄭裕玲（DoDo姐）主持問答環節的丁子朗及周嘉洛，一度換上黑白透視泳裝，搶去不少鏡頭。
周嘉洛及丁子朗的黑白透視泳裝。（影片截圖）
原來一直到試身才知要着透視裝。（粱碧玲攝）
他們在完騷後接受《香港01》訪問，丁子朗解釋透視衫是致敬作：「向港姐司儀致敬，以前都試過泳裝環節着泳裝問。」他們透露服飾一直保密：「冇得揀，一直都唔知係咁，呢個係秘密嚟，到要着先知。」他們說希望觀眾睇得開心。他們又說着到上身可能短短只有幾分鐘，之後已換回西裝，沒有時間考慮尷尬問題，而且有美中不足：「冇時間去影相係個遺憾嚟，希望觀眾幫我哋截圖啦。」
賽後曾志偉向兩人總結經驗。（葉志明攝）
賽後曾志偉捉住兩人總結賽後經驗，他們說志偉大讚DoDo姐表現：「佢有叫我哋要學Do姐，佢高度讚賞Do姐，希望下次可以DO姐上身咁鎖住個場。」他們又指自己經驗少：「我哋太新，冇留意到現場反應，去製造氣氛，教咗我要時間消化。」
+1