楊培琳獲最上鏡小姐惹爭議：係評判對我嘅認可

楊培琳（Penny）在《2021香港小姐競選》獲最上鏡小姐，但不少網民都直指「頒錯獎」，似乎唔多認同Penny的美貌。今午她會見傳媒時認為12位佳麗各有不同風格，而評判選她是一種認可及肯定。「 自己會做更好 ，唔好令大家失望。覺得自己贏在有信心，跳舞環節時展現得好好 。」

她又提到昨晚原定頒發「最上鏡小姐」後才宣布5強，但最終次序對調，這個小插曲令她落台後爆喊。「當知道自己5強唔入之後 ，其實已經好放鬆 ，覺得自己好開心做完整個騷，到後來宣布我係最上鏡小姐，我係好激動，一落台即時爆喊，因為完全無諗過。」Penny又謂接下來要先學好中文，因為在國際學識讀書的她中文表達能力一般。「之後如果有機會都想拍劇，因為自己有太多未知嘅可能性。」