#好掛住日本｜遭質疑違反防疫規定偷雞採訪 方力申：都係打工咋
撰文：吳子生
出版：更新：
小方會以嘉賓身份亮相節目《#好掛住日本》。（陳順禎攝）
吳業坤、周奕瑋及方力申早前以奧運採訪證入境到日本東京採訪奧運會，到步後必需嚴格遵守奧委會所採取的防疫規定，不可擅自離開酒店，禁止乘搭公共交通工具等，務求令海外人士同國內民眾徹底隔離。不過無綫近日發佈由吳業坤和周奕瑋主持的新節目《#好掛住日本》預告片中，看到他們到富士山採訪當地居民，隨即引來外界質疑他們涉嫌違反當地防疫規例進行拍攝。
今日（24/9）方力申（小方）吳業坤（坤哥）和周奕瑋齊齊現身電視城出席全新節目《好掛住日本》記者會時，就此事接受《香港01》訪問。周奕瑋表示：「其實我哋係冇違反當地嘅防疫規定。咁當然我哋係跟足日本畀我哋嘅規矩去做，亦都好小心我哋嘅防疫措施，就算收咗工我哋都係留喺酒店房間，都係叫外賣，然後有人送餐畀我哋食，咁所以我哋係好小心去完成我哋嘅拍攝工作。」
周奕瑋表示沒有違反日本防疫规定。（陳順禎攝）
而小方就表示：「其實我哋頭14日係點對點咁做嘢，其實係冇出去拍嘢。（14日後係可以出外拍攝？）係呀！14日過後鍾意去邊度都得。」坤哥笑言：「大家如果想知得再詳細啲，可以問一啲專業啲嘅人士。」（你哋咪專業人士囉！）小方笑言：「我哋都係打工咋，我哋都係老細叫，我哋就去咋。」