15歲姚焯菲返學獲貴賓級禮待　師弟妹幫手開門：佢哋好得意！

有「國民初戀」之稱的姚焯菲（Chantel）今日（25/9）到黃埔出席《姚焯菲X林智樂生日派對》 簽名會，與粉絲一起補祝周三（22日）15歲生日。Chantel興奮表示：「今日能夠同一大班粉絲慶祝，覺得成件事好夢幻，突然之間覺得自己唔似15歲，好似自己大過咗好多，喺因為呢年發生咗好多嘢，同埋第一次有咁多人陪我慶祝生日，所以真係好開心。」

Chantel真係好Cute：

被問新學期開學，有否遇到同學們索取簽名？Chantel表示：「我個級嘅同學就冇，而細級啲嘅同學就有，而且佢哋都好好，仲會幫我開下門，我就覺得佢哋好得意。（有冇男同學等你放學？）咁又冇喎，只係細過啲就有。（有冇被老師訓話？）咁又冇，因為啲同學問我攞簽名同影相，佢哋都好守規矩。不過老師就有問我工作忙唔忙。」