《馬達．蓮娜》成電影節開幕　周秀娜望角逐影后：想得到認同

周秀娜（Chrissie）、盧慧敏（Amy Lo）和李靜儀（Heidi）今日（29日）現身尖沙咀商場出席時裝品牌活動，周秀娜主演的電影《馬達．蓮娜》成為《香港亞洲電影節2021》開幕電影，她接受《香港01》訪問時表示得知消息後非常開心：「拍攝嘅回憶湧晒返嚟，好戥導演、阿聰（張繼聰）高興，佢嘅角色同以往好大分別。」

回想起拍攝點滴，Chrissie坦言很多場戲都非常難忘，亦慶幸戲中對手是張繼聰：「好彩之前同阿聰合作過好多次，劇中角色要基於兩個人好信任先營造到個感覺，要喺好短時間愛上呢個人，去到最後分開有種好無奈嘅感覺。如果夾硬做會好唔自然，所以好開心係同自己好熟悉嘅演員做。」

問到有沒有信心爭奪影后殊榮，她坦言渴望拿下獎項：「我想㗎，想得到其他人嘅認同，但開頭唔係為咗呢個目的做，因為如果最終得唔到會更加唔開心，反而享受角色帶畀我嘅滿足感。」