衞世輝設靈｜何麗全透露曾志偉落實安排對方升職：好可惜佢走咗
撰文：吳子生
出版：更新：
無綫製作部非戲劇分部經理衞世輝，於上月17日因心臟病發在家中猝逝，終年62歲。喪禮今日（9/10）於紅磡世界殯儀館設靈。旁晚時分，修哥（胡楓）同何麗全分別先後抵達靈堂致哀。提到好友衞世輝不辭而別，何麗全感到心痛：「其實我哋差不多同時期入，都係由低做起。而且佢由PA做到而家監製同經理。原先我同曾志偉都傾過，想佢能夠再更進一步，安排佢做一個更加高嘅職位，但好可惜佢因身體問題就走咗，我哋成班同事覺得好可惜。今日咁大風都有咁多人嚟，就知道佢為人非常之好。」而修哥胡楓傷感表示：「其實佢樣樣都好照顧我，就算我唔舒服，佢都會攞張櫈畀我坐叫我休息。每次都好照顧我，呢樣嘢令我好深刻。」
修哥和何麗全都非常不捨衞世輝。（葉志明攝）