楊卓娜與楊怡夾份供樓 姐妹情深：我冇飯食佢一定會照顧我下半世
撰文：林迅景
出版：更新：
楊卓娜早前於節目《我要做業主 2》分享做業主的心得，透露入行後她和妹妹楊茜堯（前名：楊怡）一齊買入將軍澳中心單位，但每月都要將收入的 2/3 去來供樓。雖然過程辛苦，但現在200萬700呎的單位已升值至700多萬，十分值得。
楊卓娜。（周倪瑩攝）
楊卓娜：「嗰時真係慳得就慳，每一次爆騷都好緊要。佢（楊怡）唔係扭計，只係佢想買車先，後尾我哋坐埋一齊開會商量買咗樓先，橫掂價錢都負擔得起，好過吓吓供畀人哋。」
楊茜堯（楊怡）和老公羅子溢（羅仲謙）。（楊茜堯ig）
她表示，其實兩姐妹自細感情就已經好好，所以一起供一層樓並不是特別事，說：「我同阿怡（楊茜堯）關係自細都好親密，佢有咩都會同我講，尤其是呢一行，我有咩諗唁通都會問吓佢。姐妹情我哋就一定好濃厚。如果要形容，一定係『我冇飯食佢一定會照顧我下半世。』（佢冇飯你都會照顧佢？）唔使問啦，呢個唔係一個問題。萬一佢老公對佢唔好可以返嚟住，我老公對我唔好又可以住。」她透露，現時暫未有放售這個夾份供的單位的念頭：「有紀念價值，同埋而家收緊租。」
同場加映：我要做業主2│楊卓娜月入6000逼楊怡夾錢買樓 持貨至今勁賺500萬
+17
點擊睇羅氏夫婦放閃圖：
+44