鍾嘉欣搵契哥馬浚偉幫手拍片 讚對方係白馬王子:我想同你跳舞

撰文:賴家杰
出版:更新:

馬浚偉(馬仔)在行內有三世位契妹,其中之一便是鍾嘉欣,馬仔非常疼愛嘉欣,嘉欣有什麼事情需要馬仔,馬仔會義無反顧答應。在多個月前嘉欣回港拍攝《星空下的仁醫》時候亦不忘經營自己的YouTube Channel,他找到馬仔幫忙,希望一起唱歌給粉絲們聽,同時大談內心事。

聽到佢哋合唱,真係好難得。(YouTube)

片中網友可以看見二人的對話中感受到他們的感情有多深厚,馬仔笑言有次嘉欣家中裝修整櫃不懂也是找他去幫忙。對於馬仔來說,嘉欣在他眼中是一個很善良的人,他說:「我真係覺得妳係白兔仔,甚至乎有啲蠢。好善良,好乖,妳個人好乾淨,內外都一樣咁乾淨,所以妳外表一直keep得咁清純,係因為妳心靈咁乾淨,識妳咁耐成日都擔心妳有冇畀人蝦。」

鍾嘉欣講第一套劇便是和馬仔拍攝。(YouTube)

雖說嘉欣人美心善,像冇缺點一樣,但馬仔爆嘉欣其實是非常容易被人影響,「我都唔明你自卑啲乜,如果妳都要自卑妳叫其他人點。我覺得另一個弱點就係太易畀人影響,唔需要聽人太多說話同睇人面色,唔值錢,對得起自己,對得住自己良心,妳已經做得好好,做人公平就得。」

嘉欣笑言小時候已經在聽馬仔唱歌。(YouTube)

雖然近年二人在劇集產量方面大大減少,但影片中嘉欣依然希望可以和馬仔再有機會拍劇,「我想同你有一套跳舞,因為我覺得係你有一種感覺係有一種其他男演員冇嘅,有一種白馬王子feel,呢個係我覺得。」馬仔聽到都大感驚訝,馬仔向嘉欣解釋這不是白馬王子的感覺:「好多tvb人都有同我講過,我有一種公子哥兒感覺,覺得我出身貴族,屋企好有錢,但我就係深水埗長大,飽讀詩書。」

點擊下圖看Linda的靚相︰

+71