渣打馬拉松丨當奴形容張繼聰93分鐘完成半馬係怪獸：真係黐線
撰文：賴家杰
出版：更新：
現年47歲的唐劍康（當奴）在今天（24日）舉行的《渣打馬拉松》中參加半馬（半程馬拉松）賽事，當奴接受《香港01》訪問時說原本是想參加全馬：「當我收到通知已經係9月，以我經驗嚟講係要練3個月，但唔夠時間，咁就唔好大貪，練半馬啦，但我自己都唔係好夠時間，因為忙舞台劇。」
當奴覺得今天跑步時候的狀態是一般，並沒有取得好成績。（葉志明攝）
同日參加半馬的藝人有張繼聰，阿聰以93分鐘完成賽成真的厲害，當奴則以109分鐘跑完，他完全不敢和阿聰比較，「相比起張繼聰呢個怪獸，真係黐線，佢第一次玩咋。佢問我參加過幾多次我都唔好意思答。
Caption：這是當奴第七次參加渣馬。（葉志明攝）
當奴表示今天已經盡力了，途中更多次想放棄，「去到18公里已經唔想跑，好熱，啲力去晒邊呢，想暈想暈咁。今次流水式起跑，以前人迫人，可以跟住啲人速度，但依家前面就冇乜人。（冇放棄？）有勁念經，真係盡力跑，放棄好容易，但難得有一個比賽，所以盡力完成。」