周潤發被同一網民捕獲7次激罕黑面 網民被圍插澄清：只係5次
撰文：黃欣華
出版：更新：
周潤發（發哥）一向貼地又親民，不少粉絲在街上遇上他要求合照，他都來者不拒。近日，一位網民竟向發哥連環集郵，令好脾氣的發哥都激罕黑面呀！該網民留言：「今日10點約朋友大埔食嘢，我叫朋友揀食大埔邊間？佢話最深刻我喺『林記』見到發哥，所以就揀去食點心……點知一坐低竟然又見到發哥，即刻再去捕獵，發哥話：『你又嚟？你成日擺我上網喎！』我回應：『係呀！發哥你受歡迎嘛！我每次同你影相都好喜悦同開心！』發哥就拎起電話又同我合照了！」
發哥黑面呀！（Facebook照片）
周潤發今年獲浸會大學頒發榮譽博士。（官方相片）
雖然發哥皺晒眉，但網民就指「發哥話今次俾啲唔同款式嘅表情給我」，更稱發哥是超Nice並無唔開心及黑人面。而柳俊江亦葡萄在該Post留言，笑稱：「發哥呢個表情，相信唔係演技嚟。」而黃建東亦相當羨慕稱：「我行咗一世山都仲未撞到發哥…..」有網民留言指他捕獲7次發哥相當可惡。因而被瘋狂圍插的他就激動澄清：「明明3年嚟都只係5次（計埋昨朝）無端端俾人入多兩次重要被人圍插同攪埋柳爺𠻹！不過食得鹹魚抵得渴，鬼叫我分享咩！人哋都係搵食啫！要話就話我，但請唔好咁惡毒話埋我屋企人！」
點撃下圖睇更多同一網民捕獲照片：
+15