歡樂滿東華丨魯振順將與女友同台 唔怕對方尷尬：佢身形好卓越
撰文：賴家杰
出版：更新：
魯振順希望今年能籌得更多善款。（陳順禎攝）
《歡樂滿東華 2021》 記者會今天（1日）在TVB電視城舉行，魯振順已經幫《歡樂滿東華》籌款了很多年。在接受《香港01》訪問時，表示在這次會找來女友一起同場表演：「我會搵佢一齊上嚟唱歌，佢又唔似圈外人，因為個陣參加歌唱比賽認識，參加得推斷佢歌唱技巧都Ok。」
魯振順直言首次情侶檔表演，他自己並沒有壓力，但女友卻相當頭痛：「你知佢身形就好卓越，我講嘢好白，所以佢搵緊衫，佢著得舒服，你哋又睇得舒服啦。」
魯振順有與女友一起減肥。（陳順禎攝）
明年十月魯振順將會迎娶女友，有不少算命師傅算出魯振順與女友會成功造人，他笑言：「我都有睇呢啲報道，但我會抱住觀望態度同期望，希望係真，隨緣啦，都要上天安排，當然自己都要努力。」
魯振順這麼多年來非常希望有一個孩子，現年64歲的他坦言在20多歲已經想要，現時自己和女友年紀也不少，就算女友成功懷孕，也要花很多精力照顧，他說：「唔會擔心呢方面，既然如果嚟到我身邊，我都會照顧好佢，都會部署得好。」