潘梓鋒涉打傷鄒兆霆 女主角吳紫韻被公司關切：叫我唔好亂咁講嘢
撰文：林迅景
出版：更新：
《東張西望》主持潘梓鋒因感情糾紛而涉打傷《愛．回家之開心速遞》的演員鄒兆霆一案，早前被獲准簽保守行為。事件中的女主角吳紫韻（Purple）今日（11/12）出席上環舉行的腕錶發布會。
吳紫韻表示不回應潘梓鋒涉打傷鄒兆霆一事。（周倪瑩攝）
問到有關潘梓鋒涉打傷鄒兆霆一案，她就說：「其實嗰件都告一段落，我都唔會再回應任何事，始終由我把口講任何嘢，對任何人都唔公平。大家向前看就最好。工作上都冇乜影響，你見我今日都有出活動。」
《東張西望》主持吳紫韻出席腕錶品牌活動。（周倪瑩攝）
有沒有「照肺」，被公司關心？她回答：「我好多謝公司一路都好關心我哋，尤其是係心理狀態，佢哋又冇責怪任何嘢。始終涉及到法律事，公司都叫我唔好亂咁講嘢，合作過嘅所有人，監製、同事都好，都有叫我唔好講咁多嘢，並唔係基於個人問題。」經此一役，她也表示以後會帶眼識人，小心地選擇朋友，她說：「要用一段長時間了解清楚晒對方先，無論生活同做嘢都要了解清楚先，始終唔會有誤會，對自己都有保障，所以而家就唔急嘅。」她表示現時單身中，也有追求者。
+11