家燕姐冧庄拍禮籃廣告 孫仔Julian露面突擊探班超可愛

撰文:黃梓恒
出版:更新:

薛家燕連任馬來西亞禮籃品牌廣告代言人,早前家燕姐為新廣告拍攝,更有神秘嘉賓現身贈興。

薛家燕連任馬來西亞禮籃品牌廣告代言人。

家燕姐話:「舊年合作好成功,好多朋友同fans捧場,係新年送禮佳品,當然今年佢哋又用番好姨薛家燕啦!今年除咗禮籃,仲多咗盤菜,依家疫情,一家人喺屋企食盤菜就最好不過,佢哋用料上盛,鮑魚係澳洲頂級,啲蝦又咁大隻,仲有乾貝、海參同花膠,好正㗎!佢哋仲有個叫『撈山』,香港人叫『撈起』,勁好意頭!大家都希望生意興隆、風山水起,仲有一個凍燕齡,食咗會靚。」

線上發佈會上,家燕姐表示好掛住馬來西亞嘅美食。

拍廣告期間,有個神秘嘉賓出現,原來是家燕姐孫仔(Julian),「我新抱帶佢嚟探班,今年又係我個仔(Jackson)幫手拍攝,我一見到孫仔就問佢,『要唔要同我唱《皆大歡喜》呀?』佢就嘻嘻嘻,Julian同我哋玩咗一陣間,我都想佢入埋鏡,當然個仔話『唔好啦!』(事前知唔知孫仔嚟探班?)我唔知㗎!幾好呀,拍攝好順利呀!個孫都帶旺我㗎!今次我會以《食神》味公主造型現身。」

家燕姐孫仔Julian真係好可愛㗎。
+3

家燕姐鍾意熱鬧,往年開年、做節都會一家人食飯慶祝,盤菜更是必備,家燕姐話:「盤菜我哋一定食嘅,第一好方便,第二一齊食嘢好熱鬧,今年新年都準備食盤菜,咁撈起更加要啦!最緊要係風山水起。」

同場加映:TVB十年前收視咩局面? 最低一套《團圓》竟然比今年最高一套仲好

不如我們再今次看看在20年前,TVB的劇集是如何受歡迎?2001年,絕對是TVB劇集高收的一年,當年出了不少經典劇集,包括今年即將上映電影版的《尋秦記》,當年的視帝由古天樂奪得,視后則是汪明荃,而且共有六部劇集最高收視衝過40點。

👇👇👇立即睇吓當年劇集的盛況👇👇👇

+10
你可能感興趣