萬千星輝2021｜麥美恩睇好陳自瑤奪「最佳女配角」：佢氣勢好強！

麥美恩（Mayanne）今日（23/12）現身荃灣出席無綫（TVB）奇幻愛情喜劇《愛上我的衰神》宣傳活動。提到順利入圍台慶頒獎禮「最佳女配角」最後五強，Mayanne自言心情輕鬆：「因為自己都係頒獎禮嘅常客，所以對頒獎禮嘅運作亦都非常熟悉，加上之前又攞過『飛躍進步女藝員』獎項，所以更加識調節自己嘅情緒，咁所以都冇諗話攞唔攞獎。（有冇袋定啲感謝詞喺身？）其實我都有個做主持嘅習慣，點都會袋定一啲想講嘅嘢嘅。（睇好邊個？）大熱一定係Yoyo（陳自瑤），因為佢氣勢好勁，無論佢喺綜藝又者劇集上嘅演出都係非常出色，所以我非常撐佢。」