【獨家有片】愛樓港女再爆「有樓有高潮」:高潮係基於安全感!

最後更新日期:

Seasun爆出「有樓有高潮」,真係「驚」為天人。(梁碧玲攝)

TVB實況節目《有樓萬事足》未出街,當中受訪者連環爆金句。說的就是22歲港女Seasun,現職珠寶公關,早前先有「冇樓唔好白撞」,今日出席宣傳活動時,在台上再被司儀蔡康年踢爆她在節目中曾爆出:「有樓先會有高潮」的膠論,引起現場人士嘩然。最重要是Seasun自我介紹時,講過自己曾上過教會,連蔡康年都忍不住要質疑:「你唔係有返過教會咩?」Seasun即爆:「呢樣係肉體上嘅需要啫。」

事後問過Seasun,她直接否認自己是基督徒。對於「有樓先有高潮」一說,她回答記者:「你睇咗節目之後,我諗會get到少少嘅!」再就言論自由發揮:「高潮呢部分係base on安全感,我當中提出了一個理論,用人類心理學演化出嚟嘅比喻啫,女性喺一個安穩環境入面會容易有高潮啫,引伸到各方面,關係都會和諧啲囉。」Seasun有如此言論,應該會有好多男士追求,打算慢慢揀到最好,但其實不然,Seasun說:「就係身邊冇人追,拍拖次數五隻手指數得晒。就係細個拍拖咩都冇諗,大家唔知想要啲乜,冇commitment。」想必Seasun過去戀愛受過挫折,引致價值觀有突變,但原來又與此無關:「我個ex屋企人覺得大家都仲細,所以冇再一齊。」Seasun甚至表示過去拍拖經歷美好,實在百思不得其解。

Seasun提到擇偶條件,有樓係其中一個條件,男方懂得為她解決問題好重要。(梁碧玲攝)

至於問到她曾稱要男方有2000呎屋企才是基本,Seasun就話:「咁問到我理想家居,咁梗係有咁高講咁高啦,人望高處嘛。」她認為「冇樓唔好白撞」源於與異性相識,未知大家心意的時候:「唔知大家把尺放喺邊,我咁講就可以有條尺拼一拼,咁件事容易啲去處理好多,清晰啲。」但Seasun這番驚人說話,好似趕客多啲,她就好有信心表示:「我都係講自己把尺喺邊啫,話唔定會有男士咁啱都係咁,過嚟認投呢。」

Seasun透露目前冇人追,但萬一有人送樓追求,她毫不抗拒:「就算係咩關係都好,我都會收咗層樓先,因為人哋一番好意,唔好意思推,但收完點就再睇情況。」但冇人追,點都要自力更新儲錢買樓,Seasun目前都有做這個動作,至少都想家人有個安樂窩,自己未必想要九龍站上蓋咁誇張,Seasun目前為首期努力中,至於幾多?她說:「我數學唔係好好。」

無綫真人騷爆拜金對白 22歲港女:買樓先係表達愛嘅方法

愛樓港女Seasun住過趙世曾大宅 17歲做公關兼任珠寶模特兒

坤哥聽到Seasun一番言論,表示會與這類型只做朋友。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。